CAGAYAN DE ORO CITY-Gipanganti ni MICT collector John Simon nga sama sa mga basura nga gipalusot sa Verde Soko Philippines sa Misamis Oriental,ipalayas usab nila ang laing basura nga gipasulod Australia.
Kini human unang gipatoo sa kompanyang Holcim Philippines Incorporated nga processed engineered fuel aron magsilbing alternative energy sa paghimo’g produktong semento sa lungsod sa Lugait ning lalawigan.
Miingon si Simon nga nakasupak sa customs laws sa Pilipinas ang Australia ug Holcim hinungdan nga manubag sila sa maong kargamento.
Gibulgar usab ni Simon nga susamang customs broker sa Verde Soko ug Holcim ang utok sa laing paglusot sa ilegal nga kargamento.
