CAGAYAN DE ORO CITY – Nakasulod sa top 3 ang Northern Mindanao sa dunay pinaka daghan nga mga ilegal campaign materials nga nabaklas sa Philippine National Police ug Commission on Elections sugod sa bulan sa Pebrero hangtud sa katapusang adlaw sa Abril ning tuiga.
Sa report nga nakuha sa PNP Krame, gibutyag ni PNP spokesperson Police Col Bernard Banac nga misaka pa sa 31,000 ang ihap sa mga ilegal campaign posters ang nabaklas sa kapolisan sa tibook region 10.
Nag-una niini ang Bicol Region ug ikatolo ang Central Luzon.
Sa pagkakaron, gitin-aw sa Police Regional Office spokesperson Police Lt Col Surkie Serenias nga igo lang sila misamong sa ilang trabaho ug walay personalan.
