CAGAYAN DE ORO CITY-Mahutdan sa mga jeep pasayruhan ang syudad kon ihinayon sa Dept of Transportation o DOTr ang pagwagtang sa mga sakyanan nga nag-edad 15 anyos pataas.
Kini ang pahimangno sa mga transport group nga direktang apektado sa plano sa gobierno nga pagdili na sa pagpadagan-dagan sa maong mga sakyanan sa kadalanan.
Kini ang hinungdan nga ilusad sa National Confederation of Transport Union o NCTU ingo man sa STAREX-PISTON ang transport strike sa Amihang Mindanao sa adlaw’ng Lunes.
Gibutyag ni NCTU regional coordinator Joel Gabatan nga nagpabilin ang katig-a sa
balatian sa gobierno sa ilang hangyo nga hatagan una sila sa 5 ka tuig nga makapangandam hinungdan nga molusad sila’g national transport strike nga sugdan sa kadlawon sa adlaw’ng Lunes sunod semana.
Samtang kuhaon sa mga bus company ang matanggong nga mga pasahero ilabina sa este ug westeng bahin sa syudad kon sila maapektuhan sa ilusad nga national
transport strike sunod semna.
Kini ang kabahin sa pagpangandam nila ni LTFRB regional director Allan Guro alayon sa tigil-
pasada sa tulo ka transport group nga nakabase dinhi sa syudad.
Gibutyag ni Guro nga dili nila pugngan ang maong transport strike apan may mga bus company na sila nga giandam aron mokuhaa sa mga pasahero nga maapektuhan niini.
