CAGAYAN DE ORO CITY-Ilugwa na sa Police Regional Office o PRO-10 ang listahan sa lima ka lugar sa Northern Mindanao nga gikonsiderar nga ‘hot spots’ sa 2019 midterm elections.
Kini human unang gibutyag ni PNP chief Dir Gen Oscar Albayalde nga kabahin ang rehiyon nga hataga’g hugot nga pagtagad sa piliay tungod sa init nga sitwasyon sa politika sa eleksyon sa Mayo ning tuiga.
Miingon si PRO-10 spokesperson Police Supt Surki Serenias nga sulod ning semanaha,hayan madawat na nila ang memorandum gikan sa Camp Crame kabahin sa 701 ka hot spot areas diin kabahin ang rehiyon nga nalakip sa listahan.
Kon isubay sa naglabay’ng piliay,kabahin ang kalungsuran sa Lanao del Norte,Misamis Oriental ug Bukidnon nga anaa sa hot spots tungod sa mga natigayon nga election related incidents.
