CAGAYAN DE ORO CITY, Philippines – Gipaslak sa prisohan ang giingong bigtime drug dealer nga nasapong nag-check-in sa usa ka gamay nga Inn sa Barangay 29 ning syudad.
Sa gilusad nga drug buy-bust ug entrapment operation, napalitan sa PNP Philippine Drug Enforcement Group (PDEG) ang suspek sa usa ka sako sa gitoohang shabu nga nagkantidad og 7,000 pesos.
Narekober usab sa posisyon sa suspek ang siyam ka dagkung pakete sa shabu nga gibana-bana og 350,000 pesos ang street value.
Gumikan sa ilusad nga follow-up operation, gitago ang ngalan sa suspek sa alyas Mike, 42 anyos, ug residente sa Surigao City.
Sumala sa inisyal nga report sa team leader sa PNP-PDEG, giingong iladong notoryos nga shabu dealer ang ilang nadakpan.
Sa depensa sa suspek, miingon kini nga sukad pa sa Disyembre 2024 siya nagpuyo sa maong barangay kay gipaayo niya ang nagubang Sports Utility Vehicle (SUV) ug suki niya ang mekaniko.
Wala usab siya mohatag ug komento bahin sa mga shabu nga nakuha sa iyang bag sulod sa girentahang lawak.
