Gimub-an ni Russian Pres Vladimir Putin ang rekisitos sa paggamit sa nuclear weapons batok sa kanasuran nga gustong mosukod sa kapasidad ug naghatag bahad sa ilang seguridad.
Nagsumikad ang mando ni Putin sa pagtugot ni US Pres Joe Biden nga magamit na ni Ukrainian Pres Volodymyr Zelensky ang long range missiles aron alkontrahan ang sobra duha ka tuig nang pagpangatake sa Rusya.
Miingon ang Rusya nga tataw nga pagpanghagit ang gihimo sa Amerika rason nga mihimo usab sila sa igong mga lakang pag-depensa sa ilang nasud.
Hisayrang kaya abton sa maong mga klase armas ang lokasyon sa Rusya gikan sa teritoryo sa Ukraine.
