CAGAYAN DE ORO CITY – ‘Phenomenal ug stunning!’ Ingon ani ang paghulagway ni kanhi City Mayor Oscar Moreno sa kadaugan ni US President elect Donald Trump batok Vice Pres Kamala Harris sa ilang piliay sa Amerika sa miaging semana.
Miingon ang kanhi mayor nga mismo na ang katawhan sa Amerika ang mihukom nga gusto nila ang istilo ni Trump nga maoy modumala kanila sulod sa upat ka tuig.
Siya miingon nga dili usab lisod makigsandurot si Pres Bongbong Marcos kay daghang kanhi US presidents nga ubos sa Partido Republicans ang gikahimamat sa iyang amahan nga si late Pres Ferdinand Marcos Sr.
Hisayrang nakakuha si Trump dul-an 300 ka electoral votes itandi kang Harris nga nalansang sa 226 dihang gihukman sila sa katawhan gikan sa 50 ka estado sa Amerika.
