CAGAYAN DE ORO CITY – Gi-demanda ni Kag Zaldy Ocon nga angayan nga unang mohatag pagtahod kaniya si kanhi city mayor ug former Mindanao Assemblyman Atty Rueben Canoy aron respetuhan usab niya kini.
Kini ang kabahin sa unod sa special report ni Ocon sa city council regular session kabahin sa nag-viral nga porsyon sa video diin gisingkahan ug gibalikas niya si Canoy sulod mismo sa VIP Hotel ning syudad sa miaging adlaw.
Depensa ni Ocon nga daan a siya nga gisapot ug nasamutan dihang gi-fireout sa trabaho ni Canoy sa trabaho tungod sa dili maayong kinaiya nga gipakita niini.
Samtang mag-atubang sa kasong administratibo,kriminal ug sibil si Ocon tungod sa iyang ‘conduct unbecoming of being public official’ nga nag-viral sa social media.
Kini human unang makita sa video nga daw gikonprontasi ni Canoy si Ocon apan lahi ang gipakitang taras niini.
Miingon si Kagawad Atty Lordan Suan,chairman blue ribbon and ethical committee sa konseho nga hulaton nila nga may tawo o grupo nga moduso’g reklamo batok Ocon aron masugdan ang imbestigasyon.
Una usab niini,kusganong gikondinar sa Cagayan de Oro Press Club o COPC ang gihimo ni Ocon ug nanganti nga ipa-recall ang pagka-konsehal niini pinaagi sa papirmahan nga petition.
