CAGAYAN DE ORO CITY, PhilippinesMakadawat sa P150,000 matag usa isip financial assistance ang mga Filipino sa Lebanon nga boluntaryong mipauli sa nasod tungod sa nagpadayong tensyon sa maong nasud.
Gibutyag ni Department of Migrant Workers (DMW) Secretary Hans Leo Cacdac nga gi-doble nila ang ayuda para sa mga Filipino repatriates subay sa direktiba ni Presidente Ferdinand Marcos Jr. Miingon si Cacdac nga ang cash assistance nga ihatag sa gobyerno nagsumikad sa pondo gikan sa DMW ug OWWA kundiin pulos kini mutunol sa tag P75,000 matag usa.
Ning semana, anaa na sa 45 ka OFWs ang gitakdang muuli sa Pilipinas.
Sa pikas bahin, gisaad sa Department of Foreign Affairs nga matabangan ang mga undocumented OFWs nga makabalik sa Pilipinas apan kinahanglan una nilang maseguro ang ilang exit interviews.
