Giisa na ni Presidente Ferdinand Marcos Jr ang Alert Level 3 ang nagpadayong gubat sa Iran ug Israel.
Kagahapon, gi-anunsyo sa presidente ang voluntary repatriation program, alang sa mga Overseas Filipino Workers (OFWs) nga gustong mubalik sa Pilipinas.
Iyang gimanduan ang Department of Migrant Workers (DMW) nga tabangan ang mga OFWS sa pagproseso sa ilang exit documents aron mapaniguro nga walay nabiyaang obligasyon o kabilinggan ang mamauli nga mga trabahanteng pinoy.
Namahayag ang presidente nga kapin sa 200 ka OFWs sa Israel ang nagpadayag sainteres nga mopauli, ug ang unang batch nga adunay 26 ka repatriates gisugat na sa Amman, Jordan pinaagi ni Department of Migrant Workers (DMW) Secretary Hans Cacdac.
Samtang didto sa Iran, ang embahada sa Pilipinas nag-andam sa pagpauli sa unang batch nga walo ka mga Pilipino sa umaabot nga mga adlaw.
Gipaniguro ni Marcos nga sa pag-abot sa Pilipinas, ang mga repatriates makadawat sa tag Php150,000 nga pinansyal nga tabang, libre nga akomodasyon, transportasyon pabalik sa probinsya, ug livelihood support nga lakip ang training vouchers aron sila makasugod pag-usab
