Viral na sa social media ang nahitabo niadtong Lunes, sa Nepal.
Unod sa video ang pagpakita sa mga opisyal sa gobyerno sa Nepal nga nag-ikyas gikan sa kasuko sa mga nagprotesta pinaagi sa helicopter sa Nepali Army.
Lakip sa mga nailhan nga giluwas mao si Foreign Minister Arzu Rana Deuba, ang iyang bana nga si kanhi Prime Minister Sher Bahadur Deuba, ug si Finance Minister Bishnu Prasad Paudel, nga gi-report nga gikulata ug gitambog sa suba sa laing insidente.
Ang mga opisyal nagkapot sa pisi sa helicopter samtang gi-airlift sila palayo sa mga naglagot nga demonstrador.
Ang Nepali Army, nga maoy responsable sa seguridad ug rescue operations, maoy nagpatuman sa maong kalihukan aron luwason ang mga opisyal gikan sa kasamok.
.
