CAGAYAN DE ORO CITY – Kompirmado nga gapangulekta’g 12-mil pesos nga bayrunon sa paglubong ug ubang labor charges ang Bolonseri City Memorial Park Laborers Marketing Incorporated sa mga tawo nga dunay kabanay nga ipalubong sa city cemetery sa Brgy Camaman-an sa dakbayan.
Kini human subli gipatawag ang kadagkuan sa CLENRO ug ang kooperatiba nunot sa reklamo sa pipila ka napakalubong sa ilang minatay nga nagbayad sa maong kantidad.
Gibutyag ni Sol Mosqueda,head sa Re-development of city cemetery ang gihimong koleksyon nga iya ra sa kooperatiba ug walay kalabutan niini ang dakbayan.
Nauyuan usab sa committee hearing ni Kag Eric Salcedo nga ubsan ang kolektahon sa kooperatiba nga bayad alang sa pagpalubong ug pagkalot sa mga bukog sa mga minatay.
Samtang gi-depensahan mismo ni cooperative committee chairman Kag Eric Salcedo ang dako nga pangayo sa kooperatiba nga galubong sa mga minatay city cementery ning syudad.
Miingon si Salcedo nga misubay lamang ang Bolonseri City Memorial Park Laborers Marketing Incorporated sa ensakto ug gani may utang pa ang city hall kanila nunot sa pag-atiman sa mga namatay tungod sa COVID-19 sa miaging tuig.
Namugos si Salcedo nga nasagulan lamang sa politika ang re-devt program sa menteryo rason nga dunay naumol nga isyu.
