CAGAYAN DE ORO CITY – Mag-atubang sa kasong pagsupak sa national revenue code ug laing kasong kriminal ang duha ka tawo nga nagpalusot sa gitoohang smuggled cigarettes nga gikan sa Zamboanga City ug tuyo ibaligya dinhi sa syudad ug ubang bahin sa rehiyon.
Miingon si NBI 10 investigator 3 Atty Nolan Gadia nga gi-hold na nila ang pangalan sa mga dinakpan tungod sa ilang ilusad pa nga follow up operation batok sa ubang mga ka-konsabo niini.
Siya miingon nga anaa sa 45 ka kahon sa sigarilyo nga gitoohan nga gikan sa ubang bahin sa Asya nga gipaagi lang sa backdoor aron makasulod dinhi sa Mindanao.
Anaa sa 12-milyones pesos ang bana-banang kuwentada sa BIR kabahin sa nabawi nga mga kontrabando.
Una nang gipatoo nga mga isda ang sakay sa fishcar apan pag-ukay sa ilalom niini,misugat sa NBI raiding team ang mga sigarilyo atol sa pagkasikop sa mga suspek sa lungsod sa Lugait,Misamis Oriental sa miaging kadlawon.
