CAGAYAN DE ORO CITY – Depektoso nga linya sa koryente sulod sa pinuy-anan sa pamilyang Cusing ang gitutukan sa imbestigasyon nunot sa balor milyong sunog sa pipila ka balay sa Vameta Subd,Brgy Barra,Opol,Misamis Oriental.
Kini ang pasiunang gibutyag ni BFP Opol Station investigator SFO2 Kirk Paderanga kabahin sa pagka-ugdaw sa upat ka balay sa maong lugar.
Gibutyag ni Paderanga nga hinoon,walay kinabuhi nga nakalas sa mga tagbalay kay paspas sila nakagawas gikan sulod sa ilang mga pinuy-anan.
Mitala sa 2.4 milyon pesos ang structural damage sa maong hitabo sa miaging gabii.
