CAGAYAN DE ORO CITY – Giilla pa sa kapolisan kon kinsa ang tag-iya sa mil-500 ka board feet sa mga pinutol nga kahoy’ng lubi nga nabawi sa hiniusang operasyon sa Barangay Talub,Balindong,Lanao del Sur.
Gibutyag ni PRO-BARMM Director Brig Gen John Guyguyon nga nakompiskar sa tropa ang mga kahoy nga bana-banang nagbalor 30-mil pesos samtang gibiyaan na kini sa lugar.
Siya miingon nga angayang mailhan ang mga utok sa maong kontrabando aron makasuhan sa DENR-BARMM.
Nabawi ang maong mga kahoy alayon sa ‘Pulis Maka-Kalikasan’ program sa PNP aron ma-preserbar ang kanaiyahan batok sa illegal loggers nga utok sa pagguba sa kalasangan sa lugar.
