CAGAYAN DE ORO CITY – Mapun-an sa dugang kinitaan matag-adlaw ang mga trabahante sa pribadong sektor sa Northern Mindanao epektibo sa Enero 2025.
Kini human gilugwa sa Regional Tripartite Wages and Productivity Board -X ang wage order number RX-23 diin nag-aprobar sa maong usbaw-kinitaan sa mga trabahante sa pribadong sektor.
Ubos sa maong minimum wage increase category 1,anaa sa 23 pesos kada-adlaw ang mapuno sa mga trabahante nga ubos sa non-agriculture sector.
Anaa usab sa 35 pesos kada-adlaw ang madugang alang sa agriculture sector.
Kini nga mga usbaw ipatuman sa duha ka trances.
Tungod niini,epektibo Enero 12,2025 anaa na sa 461 pesos ang inadlawan sa caterogy 1 samtang 446 pesos usab sa wage category 2.
Sa pikas bahin, anaa usab sa libo ka pesos ang monthly minimum wage increase alang sa domestic workers sa Northern Mindanao.
Nagpasabot nga anaa na sa 6-mil pesos ang binulan nga dawaton sa domestic workers
