CAGAYAN DE ORO CITY – Mag-atubang sa kasupakan sa Intellectual Property Code of the Philippines nga nalatid sa Republic Act 8293 ang consignee nga nagpalusot sa balor 48.9 milyones pesos nga gipatoong ‘garments trousers’ gikan sa Bangladesh nga nasapon pagdunggo sa sub-port sa Mindanao Container Terminal sa Tagoloan,Misamis Oriental.
Gibutyag ni Bureau of Customs District Office Collector Alexandra Yap-Lumontad nga una sila nakadawat sa impormasyon nga dunay container van nga kargado sa 360 ka karton sa karsones nga nagtangad sa brand nga Zara ug mga sinena nga naghawid sa Guess brand.
Tungod niini,gilayong giisyuhan sa warrant of seizure and detention samtang gihulat ang tag-iya nga makapresentar sa tukmang mga dokumento kabahin sa gitoohang kontrabando.
Hisayrang nga tipik lang kini sa daghang mga palusot sa smugglers nga gakasapon sa Customs pagsulod sa dunggu-anan sa Tagoloan ning lalawigan.
