CAGAYAN DE ORO CITY, Philippines – Wala pa tubaga ni 2-time Olympic Gold Medalist Carlos Yulo ang hagit ni kanhi Ilocos Sur Gov. Chavit Singson nga muhatag siya sa 5milyon pesos oras nga manumbalik ang maayong relasyon ni Yulo ug sa iyang inahan nga si Angelica.
Sa exclusive interview sa BOMBO RADYO miingon si Singsong nga gahulat pa siya kang Yulo kung akseptahon ang tanyag.
Una niini, walay laing tumong sa hagit sa kanhi gobernador kundili ang pagbaton sa maayong relasyon sa pamilya ni Yulo ilabe nga naghupot na kini sa bug-at nga ngalan sa tibook kalibutan, ug mabutang sa dakung salawayon ang imahe sa matag pamilya sa Pilipinas kung dili makig-uli si Yulo sa iyang inahan.
Chavit Singson. Una niini, mi-aslom ang relayson ni Carlos ug iyang inahan tungod sa isyu sa iyang komisyon ug sa iyang Fil-Australian, liberated social media influencer girlfriend nga si Chloe San Jose.
