CAGAYAN DE ORO CITY – Angayang molihok ang korte suprema kabahin sa zero budget nga gihimo sa bicameral committee sa kamarabaha ug senado alang sa Philhealth.
Kini tungod kay dili makiangayon nga hilabtan ug gastuhon ang P600 -B funds sa maong ahensiya nga unang gipatoo sa mga magbabalaod nga savings.
Miingon si kanhi City Mayor Oscar Moreno nga kaugalingong kuwarta sa Philhealth members ang maong pondo ug dili haom gamiton nga ipang-bayad sa laing katuyuan.
Kini ang rason nga ensakto ang gihimong pagkuwestiyon ni Sen Koko Pimentel ngadto sa korte suprema kon nganong nagkauyon ang mga senador ug mga kongresista nga dili pondohan ang Philhealth nga dako’g epekto sa indirect members nga mao ang senior citizens sa nasud.
Hisayrang nabuking nga ang 90 bilyones pesos nga pondo nga iya sa Philhealth gikuha sa Finance Dept kay gisulod sa un-program items kay alang diay sa pork barrel sa mga magbabalaod ning tuiga.
