Nakuha sa Indiana Pacers ang 2-1 nga bentaha batok sa Oklahoma City Thunder o OKC.
Kini atol sa ilang game 3 sa best of seven series sa NBA finals nga mismo gipahigayon sa balwarte sa Pacers sa Indianapolis sa Amerika,bag-uhay lamang.
Sama sa gilauman,nagpakitang gilas ang Pacers sa 2nd half pinaagi kang Tyrese Haliburton aron makuha ang ikaduhang kadaugan sa liga.
Gani, nakahimo’g 27 points ang gigamit sa Indiana nga bench player nga si Bennedict Mathurin hinungdan sa pag-init pa ang panagtigi sa duruha.
Gihingusgan ni Shae Gilgeous Alexander nga gubaon ang dependsa sa Pacers apan napakyas kini ug napukan ang ilang team.
Tungod sa kadaugan sa Pacers, nagkinahanglan na lang sa duha ka daug aron kab-uton ang kampeonato sa NBA ning tuiga.
Namugna usab ang pangutana sa basketball analysts kung kaya ba nga ipatuman sa OKC ang ilang performance sa game 2 diin gilat-an nial sa 16 puntos ang Pacers sa pinal nga iskor nga 123-107.
Dumduman nga sa game 1 sa duruha, gipakuratan sa Indiana ang OKC kay giapas nila ang 15 puntos niini aron dag-on sa pinal nga iskor nga 111-110.
Nangulo sa Pacers si Haliburton sa iyang 22 puntos ug laing 21 points gikan ang Pascal Siakam.
Si Jalen Williams ang nangulo sa OKC sa nga adunay 26 puntos ug 24 points lang ang nakuha ni Alexander.
Natapos ang game 3 sa final score nga 116 batok 109 diin abante sa 6 puntos ang Indiana.
Hisayrang himoon ang game 4 sa mismong korte pa gihapon sa Indiana sa adlaw’ng Sabado sa buntag.
