CAGAYAN DE ORO CITY – Gipasalig sa liderato sa Philippine Air Force nga makuha ang tukmang hinungdan kung nganong nahagsa ang ilang modernong fighter jet sa kalasangan sa Kalatungan,Brgy Mirayon,Talakag,Bukidnon.
Kini human unang mihatag aerial artillery support sa tropa sa 4ID,Philippine Army batok sa ika-engkuwentro nga mga rebeldeng NPA sa Bukidnon.
Gibutyag ni Col. Maria Consuelo Castillo,tigpamaba sa Philippine Air Force nga kini ang hinungdan nga anaa na sa crash site sa FA-50 fighter jet ang ilang forensic team alang sa paghimo sa subsob nga imbestigasyon.
Namahayag si Castillo nga nag-unang tuyo sa giporma nga board of inquiry nga masuta ang rason sa pagkahagsa sa eroplano diin narekober na sa forensic investigators ang flight data recorder nga dako’g ikatabang sa hitabo.
