CAGAYAN DE ORO CITY – Gibiyahe na padulong sa Villamor Airbase ang patay’ng lawas duha ka piloto nga sakay sa nahagsa nga FA-50 fighter jet sa Mount Kalatungan,Brgy Mirayon,Talakag,Bukidnon.
Kini human gihatagan sa departure honor sa kadagkuan sa militarya sila Major Jude Salang-oy ug 1Lt April John Dadulla ayha gisakay sa C-130 plane sa Philippine Air Force sa kauluhan karong hapon.
Miingon si Col Ryan Reynie Sonza,acting commander sa Tactical Operations Wing Eastern Mindanao o TOWEASTERN nga igo pag-abot sa ilang mga piloto sa Villamor, arrival honor na usab ang ihatag kanila ayha iyaha sa PAF headquarters.
Siya miingon nga dili ra usab magdugay ang paghaya kang Salang-oy ug Dadulla kay ihatod na sila sa tagsa-tagsa ka unit.
Nasuta nga si Dadulla ang gitakdang ilubong sa Mambantangan,Manolo Fortich,Bukidon sa adlaw’ng Sabado diin petsa nga sila kaslon na unta sa iyang fiancé nga si Abigail.
Hisayrang nahagsa ang gimaneho nila nga eroplano igo paghuman sa aerial support mission,nawala ang ilang signal ug napalgan nga nahagsa sa bukiran sa Kalantungan niadtong Miyerkules sa buntag.
