Bisan si Law Professor Atty Oscar Moreno ang mikuwestiyon sa Amerika ug Israel kung nganong nagpadayon ang ilang atake sa Iran human gipang hinambong ni US President Donald Trump nga napuhag na nila ang nuclear nga pasilidad sa Tehran.
Miingon si Moreno nga tungod sa nasugdang opensiba, misawsaw na sa tensyon ang grupong Hezbollah sa Lebanon nga nagpadaku sa suliran sa Middle East.
Ilado ang kalihukan sa militanteng pundok nga suportado sa Iran.
Alang kang Moreno, pag-ampo nalang ang usa sa paagi aron maundang ang gubat kay kini nga gubat gikonsiderar nga case posturing.
Kay nagtoo si Moreno nga ga amping sa ipagula nga taktika ug mga pahayag ang US ug Israel. Usa sa pananglitan niini ang pagdumili ni Trump sa paggamit sa pinulungang ceasefire, ug ang pag surrender kay gikapoy na sila.
Gumikan niini migamit lang si Trump sa pinulungang “winding down mode” aron dili masaypan ug matumban ilang garbo.
