Gidepensahan sa Estados Unidos ang ilang pag-atake sa Iran nga gitawag sa Iran nga “war crime” atol sa emergency meeting sa United Nations (UN) Security Council.
Sumala ni United States Ambassador Mike Waltz, dugay nang gi-uyonan sa internasyonal nga komunidad nga dili tugotan ang Iran nga magbaton sa nuclear weapon, ug iyang gisaway ang presensya sa Iran sa New York meeting nga nagpasipala sa konseho.
Subay niini, mitubag si Israeli Ambassador Danny Danon sa mga kritisismo ug miingon nga ang aksyon dili agresyon kondili usa ka panginahanglan tungod kay wala na’y laing alternatibo nga gibilin sa Iranian regime.
Samtang, nagpasidaan si UN Secretary-General Antonio Guterres nga ang padayon nga military action sa Middle East makapahimo sa dili makontrol nga mga sangputanan sa rehiyon. (Phillip Ariata)
