Posibleng musaka pa sa 600 ka tawo ang patay tungod sa paglampurnas sa Hurricane Helene sa tibook Southern Amerika.
Gibutyag kini ni U.S. Homeland Security advisor Liz Sherwood-Randall, kinsa naghawid sa Federal Emergency Management Agency o FEMA sa Amerika.
Miingon si Randall nga gihimo na sa gobyerno ang tanan kinahanglan aksyon aron maayudahan ang mga pamilyang nakalingkawas sa labing isog nga bagyo nga miigo sa nasud, ning tuiga.
Sa pikas bahin, sobra ang gibating pagsubo ni North Carolina’s Governor Roy Cooper tungod sa pagsaka sa death toll sa ilang estado. Migamit na sa iro o sniffing dogs ang ilang estado sa pagpangita sa mga tawong missing nga posibleng patay na, lima ka adlaw ang milabay human ang delobyo.
Sa labing ulahing report misaka pa sa 180 ka tawo ang kompirmadong patay gikan sa 6 ka estado nga gikuso kuso sa Category 4 Hurricane. Gawas sa kawad-on sa sugang dagitab, nagkulang na sa limpyong tubig-mainom ang ilang mga residenteng nabagyuhan.
Unang mi-angkon ang FEMA nga dunay kapin 20 ka dalan pasulod sa Northe Carolina, Georgia, Florida, South Carolina,Tennessee ug Alabama ang nabuak ug nahugno epekto sa bagyo.(Bombo Anne Quileste).
