Giila nga usa ka propesyon nga adunay taas nga dignidad, apan usa ka realidad sa mga magtutudlo sa nasud nga lubog sa utang ug mga loan.
Sumala ni Roland Cruz sa grupong Alliance of Concerned Teachers (ACT) Region-10, nagpamatuod lamang ang maong sitwasyon nga dili na kasugakod ang kasamtangang suholan sa mga magtutudlo karong panahona.
Dugang pa ni Cruz, usa sa mga rason nganong mapugos sa pagpangutang ang usa ka magtutudlo mao kung siya pamilyado na ug adunay anak nga nag-eskwela sa kolehiyo.
Para sa mga magtutudlo, ang justipikasyon sa maong sitwasyon mao ang dili igo nga suholan nga dili makasulbad sa ilang panginahanglan.
Nagpahayag ang grupo nga kung paminawon ug tubagon lang sa gobyerno ang ilang sugyot nga ₱50,000 entry-level salary, dako kini nga ikaluag-luag sa mga magtutudlo ug makatabang kanila nga makalahutay sa gastohon sa pamilya ug sa ilang pagtudlo.
