Gihupay sa Bangko Sentral ng Pilipinas o BSP ang kabalaka nga mohatag sa negatibong epekto sa publiko ang paghuyang pa sa peso kontra US dollar.
Kini human nakatala sa 59 peso mark ang kada-dolyar sa miaging trading sa kauluhan.
Miingon ang pipila ka economists nga paborabli alang sa mga pamilya sa OFWs ang paglig-on sa dolyar batok peso.
Apan apektado usab ang mga presyo sa imported goods sama sa pagkaon,petrolyo ug mga prutas.
Sa pikas bahin,namulong si BSP Gov. Eli Remolona nga walay angay ikabalaka ang katawhan sa paghugno peso batok dolyar.
Kini tungod kay manageable lamang ang epekto niini.
Hinoon,maoy ilang gipangandaman ang gitawag nga ‘pass through effect’ sa nahitabo sa dolyar.
Hisayrang kini ang pinakahuyang nga kantidad sa peso trading sa milabay’ng duha ka tuig.
