Giklaro ni Rep. Joel Chua nga ang hugot nga baruganan sa defense team bahin sa pagmarka sa mga dokumento maoy nag-unang hinungdan sa paglangay sa proseso sa pretrial.
Dugang niya, doble ang trabaho sa pagmarka gumikan kay wala mosugot ang depensa sa gitanyag nga common markings alang sa mga ebidensya.
Gipasabot usab niya nga usa lamang ka isolated incident ang isyu sa kulang nga pahina sa dokumento ug dili kini hulagway sa kinatibuk-ang proseso sa liboan ka mga dokumento.
Sa laing bahin gipunto ni Rep. Jinky Luistro nga mokabat sa 4,000 ka mga dokumento ang naglambigit sa payment evidence sa OVP ug DepEd nga kinahanglang markahan sa matag habig.
Matud niya, naglakip kini sa 1,900 plus nga mga dokumento alang sa DepEd ug 2,000 plus alang sa OVP nga angay untang markahan og usa ra apan gi-indibidwal tungod sa pagdumili sa depensa.
Busa, napugos ang prosecution nga markahan kining tanan og tagsa-tagsa sanglit kabahin kini sa mga dokumento sa ilang kampo.
