Pagdool sa Ginoo ang pinakatumong sa obserbasyon sa Semana Santa.
Kini ang mensahe ni Rev. Rey Alejandro Lazaro sa United Church of Christ in the Philippines (UCCP).
Miingon si LAZARO nga tanan tawo makasasala apan, kanunay andam mudawat sa pagpasaylo ang Ginoo.
Gani, bisan ang labing makasasala nga pulitiko kung mangayo kinig pasaylo sa Ginoo, segurado nga malimpyuhan usab ang ilang kalag ug konsensya pinaagi sa grasya sa Ginoo.
Apan, gitin-aw ni Lazaro nga madawat lang ang grasya sa pagpasaylo kung sensiro ug matinud-anon ang usa ka tawo sa pagsubay sa dalan nga makahatag kaniyag kalinaw ug dili na mubalik sa daot nga binuhatan.
