Gitin-aw ni Ombudsman Jesus Crispin ‘Boying’ Remulla nga dili angay dunganon ang pagpasaka sa kaso batok sa mga akusado sama ni dating Ako Bicol Rep. Zaldy Co, aron masiguro ang pormal ug hapsay nga proseso sa korte. Matud niya, kinahanglan lig-on ang ebidensya ug tukma ang basehan sa matag demanda.
Dugtong niini, gisaway ni Remulla nga “binoang” ang kabalaka ni Co sa pagpauli sa Pilipinas, ug gipasalig nga protektado siya samtang ang DOJ ang manubag sa iyang kaluwasan. Kung aduna pa siyay gikahadlokan, giingon ni Remulla nga ipangbulgar niya kini sa sayo pa.
