CAGAYAN DE ORO CITY – Dili supakon apan hataga’g duha ka bulan sa grupong United Driver’s Association o UNIDA ang pagpatuman sa city govt sa bag-ong mga rota sa public utilities vehicles sa syudad.
Kini aron sukdon sa grupo kon unsa ka epektibo ang maong route scheme nga gipanghinambog nga kabahin sa makatabang pagsulbad sa trapiko sa syudad.
Miingon si UNIDA Pres. Joel Gabatan nga sa oras nga magkagidlay ang mga pagpamasada sa mga drayber,pugson nila makigtagbo kang City Mayor Rolando ‘Klarex’ Uy aron pangitaan sa sulbad ang maong isyu.
Hisayrang namugos ang grupo nga wala sila konsultaha sa pagporma sa bag-ong mga rota diin sila direktang apektado sa panginabuhian.
