CAGAYAN DE ORO CITY- Garbo alang kang TV news celebrity Korina Sanchez-Roxas nga paspas nga naila sa publiko ang ilang anak ni kanhi DILG Secretary Manuel ‘Mar’ Roxas.
Kini ang pag-angkon ni Korina sa interbyu sa Bombo Radyo CdeO dihang sentro sa hisgutanan ang paghiuli sa ilang anak nga si Pepe ug Pilar sa Quezon City gikan sa Amerika sa miaging semana.
Gibutyag ni Korina nga nalipay kini sa kainit sa paghinangop sa mga tawo nga makakita sa ilang anak.
Gani,misaad ang TV media veteran nga dad-on ug isuroy niini sila Pilar ug Pepe sa Cagayan de Oro City aron mahimamat usab sa Cagay-anons.
Ang magsoong Pilar ug Pepe ang resulta sa ”surrogacy” alang sa magtiayong Mar ug Korina.
