CAGAYAN DE ORO CITY – Wala palabya ni Gov Bambi Emano ang pagbatikos ug pagbiay-biay ni Vice Gov Jigjag Pelaez sa programang MisOr Cares System nga nagamit nga political issue sa miaging Mayo 2019 nga piliay sa lalawigan.
Kini human kabahin ang bise-gobernador kuyog si Sangguniang Panlalawigan board member Jerry Khu nga mitambong sa flag raising sa unang adlaw sa ilang trabaho sa kapitolyo probinsyal kagahapong adlawa.
Miingon si Emano nga nasabtan niini ang isyu sa politika apan kon gub-on na lamang ang mga programa nga nagtumong pagtabang sa katawhan ang dili usab makiangayon nga gamiton nga propaganda.
Samtang dili batikos ang gihimo ni Emano ngadto sa kampo sa oposisyon sa Sangguniang Panlalawigan o SP sa Misamis Oriental.
Tubag kini ni Pelaez dihang naka-sentro ang pakigpulong ni Emano sa ilang flag raising diin gi-kuwestiyon niini ang ilang pagsaway sa programang MisOr Cares system.
Namahayag si Pelaez nga wala siya’y gibatunan nga kasuko o pagdumot kang Emano sa pagpangulo sa lalawigan.
Gipasalig usab niini nga kon pangayu-on pa gihapon sa gobernador ang suporta sa maong programa sa lehislatura,andam nila kini ihatag ilabina nga mayoriya kanila ang nakalinya sa partido Padayon Pilipino.
