Gipamugos ni Bert Amplayo, spokersperson ni Kongresista Lordan Suan nga nagresulta sa overwhelming nga affirmative votes ang pag-impeach kang VP Sara Duterte kay nasayud ang mga magbabalaod nga mas bug-at ang ebidensya inay pagbati sa katawhan nga wala masayud sa gibuhat nga legal nga proseso sa mga magbabalaod sa pagpagita sa probable cause aron maporma ang kasong impeachment ni Vp Duterte.
Miingon si Amplayo nga sama sa gihimo sa kadaghanan, gibuhat usab ni Kongresista Suan ang iyang tahas nga mitimbang-timbang sa ebidensya ug nakita nga adunay gimbug-aton kini aron mapasaka ang kaso.
Hinoon, gitin-aw ni Amplayo nga dili angay ikasuko sa pipiya ang yes votes ni Suan kay kini alang man kaayuhan sa tanan ug sa bag-ong henerasyon.
Ang pagsaka sa kaso sa senado kahigayonan usab nga madungog ang depensa sa bise presidente.
