Gitin-aw ni House prosecutor Representative Jonathan Keith Flores nga dili gamay nga kantidad alang sa ordinaryong Pilipino ang milyun-milyong pisos nga balor sa mga kabtangan nga wala kuno nadiklara ni Vice President Sara Duterte sa Statement of Assets, Liabilities and Net Worth o SALN.
Sa pagdungog sa Senate impeachment court, gipresenta sa prosekusyon ang mga dokumento sa duha ka yuta nga adunay kinatibuk-ang nga presyo nga 9.45 milyong pisos ug parehong nakarehistro sa ngalan sa bana sa bise presidente nga si Manases Carpio.
Apil sa mga dokumento ang usa ka 379-square-meter nga yuta sa Matina, Davao City nga gipalit sa presyo nga unom ka milyong pisos niadtong Hulyo 2024, ug laing yuta sa Island Garden City of Samal nga nagkantidad og kapin 3.4 milyong pisos nga napalit niadtong 2018.
Subay sa testimonya sa mga testigo gikan sa Registry of Deeds walay nakitang mismo nga nakatala nga deklarasyon sa SALN sa bise president. Hinuon gipadayag gihapon sa depensa nga posibleng nakarehistro ang yuta sa Matina sa mga naunang gipagawas nga assets.
