Gitawag ni Private Prosecutor Atty. Erwin Matib nga ironic alang kampo sa prosekusyon ang pagpresentar sa depensa sa confidential nga dokumento human sa pagsupak sa depensa niadtong niaging adlaw atol sa ilang pag-flash sa screen sa tax returns ni Vice President Sara Duterte ug sa bana niining si Atty. Manases Carpio.
Nahitabo kini human gi-flash sa screen sa Senate impeachment court ang BIR Letters of Authority (LOA) nga nadawat sa magtiayon.
Sa laing bahin, miingon si Defense Counsel Atty. Kristine Ferrer nga gitugotan sa ilang kliyente ang pagpresentar sa maong dokumento.
Dugtong niini, gibutyag ni BIR Office of the Commissioner Chief of Staff – Atty Anne Loraine Garcia-Marquez nga siya kabalaka bahin sa pagpresentar sa Letter of Authority (LOA) sa screen sa Senate impeachment court tungod kay makita ang mga pangalan sa revenue officers nga matud pa kinahanglan i-redact.
Gitataw ni Private Prosecutor Atty. Erwin Matib nga ang presentasyon nakalapas sa privacy sa mga indibidwal nga nalambigit. Kini ang rason nga gimando ni Presiding Officer Francis Chiz Escudero nga tangtangon ug re-upload ang livestream hearing kagahapon.
