Gipasagdan na lamang ni Presidente Ferdinand Marcos Jr. kang Bise Presidente Sara Duterte ang desisyon kon motambong ba kini sa iyang impeachment trial nga sugdan na karong Lunes, Hulyo 6.
Hinuon, gipadayag sa Presidente nga mas maayo ug mas nindot kon modesisyon na lamang ang Bise Presidente nga motunga aron direkta nga matubag ang mga akusasyon batok kaniya.
Subay sa iyang pamahayag, mas mapadali ang paghusay sa kamatuoran kon ang mismong akusado ang motubag sa mga pangutana sa korte.
Tungod niini, gipaabot sa publiko ang sunod nga lakang ni Duterte kon motuman ba kini sa giisyu nga summons sa impeachment court.
