Gisaysay ni Batangas Representative Jinky Luistro nga usa ka dakong kadaugan alang sa house prosecution panel ang pagkahuman sa ilang lima ka adlaw nga pre-trial conference.
Bisan pa man wala maablihi ang selyadong kahon gikan sa Bureau of Internal Revenue, nakab-ot gihapon sa prosekusyon ang ilang nag-unang tumong nga matapos kini sa daling panahon.
Matud pa sa maong lead prosecutor, wala na sila makiglantugi sa depensa bahin sa mga isyu nga wala man unta labot sa maong yugto aron masiguro nga magpadayon ang proseso.
Hinuon, nagpasalamat sila sa impeachment court sanglit nakab-ot ang ilang tinguha nga opisyal nang tapuson ang pre-trial conference kagahapong adlawa.
