CAGAYAN DE ORO CITY – Gitratar sa Police Regional Office 10 kuyog ang nagkadaiyang local govt units o LGUs nga ‘generally peaceful’ ang mga aktibidad sa gitamod nga semana santa sa rehiyon sa miaging semana.
Kini human walay bisan unsa nga dagkong hitabo nga nakatugaw sa mga pagpamalandog sa mga deboto sa mga simbahan,pilgrimage sites ug kadagatan nunot sa pagsaulog sa sumad sa pagkabanhaw sa Ginoo kagahapong adlawa.
Gibutyag ni PR0 10 spokesperson Lt Col Michelle Olaivar nga gawas lamang sa pipila ka kaso sa dugu-ong aksidente dinhi sa syudad ug mga pagkalumos sa pipila ka residente sa Domingo sa pagkabanhaw,wala mabalda ang kahusay’g kalinaw sa katibuk-an sa rehiyon.
Hisayrang ning tuiga,sobra 10-mil ka deboto lang ang nakadagsa sa duha ka pigrimage sites nga nakabase sa dakbayan.
