Gipahigayon sa Pakistan ang halapad nga airstrikes sa Afghanistan, diin miingon ang Taliban nga 18-ka tawo ang napatay lakip na ang mga babaye ug kabatan-onan.
Sumala sa mga awtoridad, ang target sa atake ang pito ka kampo sa militanteng grupo duol sa border sa Pakistan ug Afghanistan.
Dugang sa mga awtoridad nga kini usa ka pag-panimalos human sa ‘suicide bombing’ nga gihimo sa Taliban ngadto sa Pakistan niadtong miaging mga bulan.
Gi-kondinar sa Taliban ang insidente tungod kay daghang sibilyan sa Nangarhar ug Paktika province ang naapektuhan ug napatay.-(Phillip Ariata)
