Nagbangga ang pwersa sa Pakistan ug Afghanistan human sa giingon nga “retaliatory strike” sa Taliban batok sa mga pasilidad sa Pakistan.
Matod sa mga opisyal nga milungtad sa sobra duha-ka oras ang bakbakan sa kabukiran sa northwest sa Pakistan ug misukol dayon ang tropa sa Pakistan.
Ang Islamabad ug ang Taliban administration nag-angkon nga nakaguba ug nakasakop sila sa mga poste sa utlanan, apan wala kini mapamatud-i sa laing tinubdan.
Sumala sa Information Ministry sa Pakistan nga ilang gitubag ang walay hinungdan nga pagpamusil sa Afghan forces nga nakahatag sa kadaut sa mga poste ug ekipo. (Phillip Ariata)
