Namahayag ang Malakanyang nga maayo’ng susihon ang balaod sa Philippine National Police (PNP).
Human kini sa nahitabo nga wala pagkasinabtanay sa ‘status’ ni Gen. Nicholas Torre III nga nagpabili’ng 4-star rank General sa PNP bisan pa nga aduna na siyay laing posisyon isip General Manager sa MMDA.
Sumala kang Palace Press Officer Usec. Claire Castro nga tungod aning nahitabo nga ‘misconception’ sa PNP law, mas maayo nga susihon kini utro diin posible’ng ma-determinar kung unsa ang dapat amyendahan.
Ang gipunting nga PNP law, mao ang Republic Act no. 6975 o ang DILG Act of 1990 nga na-amyendahan sa Republic Act (RA) no. 8551 ug Republic Act (RA) no. 9708 diin sulod niini ang “duties” sa Chief PNP og ang mga probisyon sa promotion ug pangulo.-
