Dili na bag-o sa pamilya ni Chicago Cardinal Robert Francis Prevost nga mahimong pari apan gikakurat nila ang pagkapili niini isip santo padre sa simbahang Katolika sa kalibutan.
Kini ang pagsaysay sa iyang igsoon nga si John Prevost,pipila ka adlaw gikan sa hukom sa 89 ka cardinals nga si Pope Leon XIV ang ilang gitahasan nga mopadayon sa nabiyaan nga mga gimbuhaton ni Pope Francis.
Namahayag ang iyang igsoon nga daan nang nakit-an sa ilang pamilya ang kagustuhan ni Santo Papa Leon de Katorse nga mahimong pari rason nga gikalipay nila kini.
Maoy gikahingawa sa ilang pamilya ang pag-atubang sa ilang igsoon nga santo papa sa kabug-at sa trabaho ug daghang mga isyu nga gisagubang sa tibuok kalibutan.
Hisayrang si Papa Leon nagsumikad sa Order of Saint Augustine diin pinakauna sa kasaysayan nga nagbaton sa santo papa nga kongregasyon.
