CAGAYAN DE ORO CITY – Padayon pa nga gisuta sa kapulisan ang motibo sa nahitabong pagpamusil sa panimalay sa usa ka barangay kapitan sa may Purok 6, Barangay Gango, Ozamiz City.
Gipaulanan sa bala sa duha ka mga suspek nga sakay sa motorsiklo ang panimalay ni Gango Barangay Kapitan Juanito Balase Saquin.
Matud ni Police Corporal Ryan Mirafuentes, imbestigador sa Ozamiz City Police Station nga walay namatay o naangol sa pagpamusil apan narekober sa crime scene ang unom ka empty shell sa .40 caliber pistol.
Dako ang pagtoo sa kapulisan nga may kalabutan sa pulitika ang motibo sa pagpangluthang.
