Gusto pamatud-an sa Cagayan de Oro Archdiocese nga buhi ang pagtoo sa mga Santos ug Kalag, ilabe na sa mga bata ug batan-on.
Kini ang gipamugos ni Fr. Der John Faborada, spokesperson sa arkidayosis sa interbyu sa BOMBO RADYO.
Gitataw ni Faborada nga gidili ang “trick or treat” matag Oktobre 31 agig selebrasyon sa “western” nga pagano nga pagtuo sama sa Halloween.
Kini ang rason nga gihingusgan sa Simbahan ang PARADE OF SAINTS sa matag parokya o arkidayosis aron santaon ang daut nga imahe sa Halloween.
Inay pagsul-ob sa daut nga mga imahe, ang pagsundog sa mga imahe sa mga angel ug santos ang ilang gusto sul-obon sa mga bata, ug ila kining iparada sa mga kadalanan, agig timaan nga mas gamhanan, bilinhon, ug alang sa kahayag ang ilang okasyon sa pagparada sa mga santos
