Gitinguha sa Department of Justice (DOJ) nga ikanselar ang pasaporte ni Kanhi Presidential Spokesperson Harry Roque.
Kagahapon, gikompirmar ni DOJ Secretary Jesus Crispin Remulla nga gisang-at na nila ang pestisyon sa Angeles City Regional Trial Court (RTC) aron mawad-an sa bisa ang nasampit nga dokumento.
Si Roque, kasamtangang nag-atubang sa mga kasong qualified human trafficking ug regular human trafficking kalabot sa illegal nga operasyon sa Philippine Offshore Gaming Operators (POGOs) sa Porac, Pampanga.
Gibutyag ni Remulla nga nafile ang maoy hangyo niadtong Mayo 23, ug kung kini madawat, otomatik nga mahimo nang undocumented alien si Roque sa gawas sa nasud ug may kapas ang matag kanasuran nga siya ipa-deport balik sa Pilipinas.
Una nang namugos si Roque nga legal ang tanan dokumento nga iyang gilihok, ug wala siyay kasayuran sa ilegal nga kalihukan nga gisudlan sa iyang kliyente nga nanag-iya sa Lucky South 99.
Si Roque, nagpaabot pa sa tubag sa gobyerno sa The Netherlands kung hatagan ba siya’g political assylum.
