CAGAYAN DE ORO CITY – Kasuhan sa mga otoridad ang pastor sa simbahang The Word of God Spirit and Life Ministries Incorporated nga nakasupak sa sa article 495 sec 9 sa Republic Act 11332 o mas naila nga Mandatory Reporting of Notifiable Diseases and Health Events of Public Concern Act sa piskalya ning syudad.K
ini human nasapon sa PNP ug Regulatory Complaint Board o RCB nga gisupak ni Pastor Alfred Caslam, 58-anyos,minyo ug residente sa Zone 6, Barangay Cugman ang maong balaod aron pugngan ang katawhan nga matakbuyan sa sakit nga coronavirus.
Miingon si RCB Inspectorate Antonio Resma nga akto nila nasapon nga napuno sa manimbahay ang simbahan nga gipanguluhan ni Caslam rason nga ila kining gi-aresto gumikan sa maong kasupakan.
Nasuta nga dul-ag 500 ka tawo ang mitambong sa pagsimba nga gipanguluhan ni Caslam diha sa Rizal Theatre, Capistrano- Montalban Sts sa syuada kagahapong adlawa.
Samtang wala mahadlok si Caslam nga kasuhan sa gobierno tungod lamang sa ilang gihimong pagsimba ning syudad.
Miingon si Caslam nga sentro sa iyang pag-ampo kuyog sa iyang dul-ag 500 ka miembro nga unta mahupay na ang suliran sa coronavirus disease diin pakyas pa ang mga doktor pagpangita’g epektibong tambal niini.
Dugang sa pastor nga wala siya’y nasupak nga balaod apan pagtuman lamang sa balaod sa Ginoo rason nga sila mi-sakripisyo bisan sa bahad sa bayrus alang sa ikaluwas sa daghang mga pasyente.
Una niini,giingong gikondinar sa Cagayan de Oro Evangelical Council ang pag-aresto sa PNP sa maong pastor.
