Tolo ka adlaw ang pagbisita ni Presidente Ferdinand Marcos Jr sa Kuala Lumpur Malaysia, aron tambungan ang 47th Association of Southeast Asian Nation o ASEAN and Related Summits.
Pormal nga buksan ang summit ning adlawa, ug tak-upan sa pagka-Oktobre 28.
Kauban sa presidente ang Unang Ginang nga si Lisa Araneta ug piniling mga gabinete, nga milangkob sa delegasyon sa Pilipinas.
Lakip sa makigpulong kang Marcos mao ang mga presidente ug representante sa 11 member state sa ASEAN.
Kini langkoban sa Brunei Darussalam, Cambodia, Indonesia, Lao PDR, Malaysia, Myanmar, Singapore, Thailand, ug Vietnam.
Sa iyang departure speech, giingon ni Marcos nga ang Pilipinas magpadayon sa pagpanalipod sa ASEAN Centrality ug sa malinawong resolusyon sa mga isyu sama sa South China Sea, Myanmar, klima, ekonomiya, ug transnational crimes.
