CAGAYAN DE ORO CITY, Philippines – Gipamugos ni Presidente Ferdinand Marcos Jr., nga plastar ang tanan natukod nga flood control projects sa gobyerno apan, nahugno kini tungod sa dili ti-aw nga bulto sa tubig-ulan nga nagresulta sa grabeng baha sa Bicol Region, Calabarzon, Batangas Province, Cordillera Administrative Region, Northern Luzon ug Region 2.
Gibasol ni Marcos ang pagkaguba sa mga dagkung dike gumikan sa pagkuso kuso sa Bagyong Julian, Severe Tropical Storm Kristine, ug Super Tyhoon Leon, gikan sa lima ka rehiyon.
Sa pagkutlo ning balita, gimintinar sa National Disaster Risk Reduction and Management Council (NDRRMC) nga kapin 150 na ang patay sa naglabay nga kalamidad, kundiin duha niini nagsumikad sa paglampurnas sa Super Typhoon Leon sa Batanes.
