Giyukbuan ni Presidente Ferdinand Marcos Jr. tanan miyembro sa Philippine Coast Guard (PCG) atol sa ika‑125 anibersaryo niini.
Giila sa Pangulo ang ilang walay kinutubang serbisyo alang sa kaluwasan sa publiko ug sa pagpanalipod sa karagatan sa Pilipinas. Sa iyang pagtambong sa seremonya, gipadayag ni Marcos nga ang PCG sa kapin sa usa ka milyon nga pre‑departure inspection sa mga sakayan sa dagat sa nagkalain‑laing pantalan sa tibuok Pilipinas niadtong miaging tuig.
Ang operasyon, mihatag sa igong seguridad ug kasaligan sa mga biyahero ug sa industriya sa dagat. Gipakita usab sa datos nga nakaluwas ang PCG sa dul-an 95,000 ka katao sa nagkalain‑laing insidente sa dagat.
Kini nga kalihokan nagpakita sa epektibong pagtubag sa ahensya sa mga emerhensiya ug kalamidad, kundiin, kapin 138,000 ka indibidwal ang ilang natabangan sa panahon sa mga emerhensiya.
Kini nga serbisyo nagpalig‑on sa papel sa PCG isip nag-unang ahensya sa disaster response ug humanitarian assistance.
Gipadayag usab ni Marcos nga ang PCG naila na isip haligi sa seguridad sa dagat ug kaluwasan sa katawhan.
Ang iyang pagpasalamat naghatag sa inspirasyon sa mga miyembro sa PCG nga magpadayon sa ilang sakripisyo ug serbisyo alang sa nasud.
